Qubada yanğın, 6 yaşlı uşaq öldü

Qubada yaşayış evində ölümlə nəticələnən yanğın hadisəsi baş verib.

Bu barədə Lent.az-a Quba Rayon Prokurorluğundan bildirilib. Yanğın hadisəsi yanvarın 14-də günorta saatlarında rayonun Qonaqkənd kəndində Qırxlar Məmmədovun evində baş verib. Yanğın nəticəsində 2004-cü il təvəllüdlü Həsən Məmmədov tüstüdən boğularaq ölüb.

Yanğının səbəbi kimi odun sobasından çıxan qığılcım göstərilir.

Faktla bağlı araşdırma aparılır.