“YouTube”un süni intellektə əsaslanan avtomatik dublyaj funksiyası bütün istifadəçilər üçün əlçatan olub və hazırda 27 dili dəstəkləyir.
Lent.az xəbər verir ki, ilk dəfə 2024-cü ildə məhdud sayda kontent istehsalçısı ilə sınaqdan keçirilən texnologiya videoların müxtəlif dillərdə izlənməsinə imkan yaradır.
Bu funksiya istehsalçılara videolarının daha geniş auditoriyaya çatmasına kömək edir və istəyə görə söndürülə bilir.
Platforma bildirir ki, gündə 6 milyondan çox izləyici süni intellektlə səsləndirilmiş məzmun izləyir. Daha təbii səs üçün ingilis və ispan dili daxil olmaqla səkkiz dildə danışanın tonunu qoruyan yeni “ifadəli danışıq” sistemi tətbiq olunub.
İstifadəçilər ayarlarda üstün tutduqları dilləri seçə bilir. Şirkət dublyaj zamanı dodaq hərəkətlərinin uyğunlaşdırılması üzərində işləyir.
Funksiyanı aktivləşdirmək üçün “YouTube Studio”da ayarlardan “avtomatik səsləndirməyə icazə ver” seçimi işarələnməlidir.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
