"İnter Mayami"yə keçən Messi PSJ haqqında nələr dedi?

“İnter Mayami”yə keçdiyini açıqlayan argentinalı hücumçu Lionel Messi Paris Sen-Jermen-də oynayarkən özünü xoşbəxt hiss etmədiyini deyib.

Lent.az xəbər verir ki, onun sözlərini Mundo Deportivo yayıb:

“Parisdəki bu iki il mənim qərarıma təsir etdimi? Qismən bəli. Özümü xoşbəxt hiss etmirdim. Həyatdan zövq almırdım. Bu, mənim ailə həyatıma təsir etdi”.

İyunun 3-də Messi Fransa çempionatının 38-ci turunda “Klermon”a qarşı meydana daxil olaraq PSJ-də son oyununu keçirib. Messinin parislilərlə müqaviləsi iyunda başa çatdı və o, azad agent kimi “İnter Mayami”yə keçdi.