İbrahimoviç bu futbolçularla klub yaratdı: Messi, Ronaldinyo...

“Milan”ın sabiq hücumçusu Zlatan İbrahimoviç keçmiş komanda yoldaşlarından simvolik komanda yaradıb.

Lent.az xarici mediaya istinadən xəbər verir ki, heyətdə ən çox keçmiş hücumçunun “Yuventus”da birlikdə çıxış etdiyi 4 komanda yoldaşı yer alıb. “Milan” və “Barselona”da İbrahimoviçlə altı futbolçu (hər birində üç) çıxış edib. Eyni zamanda İbrahimoviç özünü də komandaya daxil edib.

Heyət: Canluici Buffon, Lilian Thuram (hər ikisi Yuventus), Tiaqo Silva (Milan, PSJ), Alessandro Nesta (Milan), Maksvell (İnter, Barselona, PSJ) , Patrick Vieira (Yuventus, Inter), Xavi (Barselona), Pavel Nedved (Yuventus), Lionel Messi (Barselona), Ronaldinyo (Milan), Zlatan İbrahimoviç.

İbrahimoviç 41 yaşında təqaüdə çıxıb. İsveçli futbolçu “Malmö”, “Ayaks”, “Yuventus”, “İnter”, “Barselona”, PSJ, “Mançester Yunayted” və “Los Anceles Qalaksi” klublarında çıxış edib. Onun son komandası “Milan” olub.