Rusiyanın Yekaterinburq şəhərindəki “Koltsovo” hava limanının əməkdaşları antikvar samovarın ölkədən çıxarılmasının qarşısını alıblar.
Lent.az xəbər verir ki, “yaşıl dəhliz”dən keçən şəxsin yoxlanışı zamanı inspektorlar mədəni dəyərə malik əşya aşkar ediblər. Gömrükçülər XIX əsrə aid, Bakıya aparılan latun samovarın ölkədən çıxarılmasının qarşısını alıblar.
Sahibi bildirib ki, samovar nəsildən-nəslə ötürülən ailə yadigarıdır və Çelyabinskdə əmisinin qarajında saxlanılıb. Mütəxəssislər müəyyən ediblər ki, bir əsrdən çox əvvəl Şemarin qardaşlarının müəssisələrində hazırlanmış bu samovar mədəni dəyər əlamətlərinə malikdir. Kişi onu sonradan istifadə etmək üçün Azərbaycana gətirmək istəyib.
Əşyanın xarakterik xüsusiyyətlərindən biri onun tarixi əhəmiyyətini təsdiqləyən çoxsaylı möhürlərin olmasıdır. Hazırda vətəndaşa qarşı malların bəyan edilməməsi və ixrac qaydalarının pozulması ilə bağlı inzibati işin başlanması məsələsinə baxılır.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
