Qısqanclıq zəminində cinayət törədən şəxsin məhkəməsi başlayıb

Bu gün Bakı Ağır Cinayətlər Məhkəməsində qəsdən sağlamlığa ağır zərər vurmaqda təqsirləndirilən Bakı şəhər sakini, Maarif Babayevin cinayət işi üzrə məhkəmənin hazırlıq iclası başlayıb.

Lent.az-ın məlumatına görə, hakim Azad Məcidovun sədrliyi ilə keçirilən prosesdə təqsirləndirilən şəxslərin anket məlumatları dəqiqləşdirilib.

Baxış iclası yanvarın 11-nə təyin edilib.

Qeyd edək ki, Xəzər Rayon Polis İdarəsinin 2-ci Polis Bölməsi əməkdaşlarının keçirdikləri əməliyyat-axtarış tədbirləri nəticəsində keçən il sentyabrın 11-də saat 23:30 radələrində Binə qəsəbəsinin Bünyadzadə küçəsində qəsəbə sakini, 1980-ci il təvəllüdlü Rauf Rzayevə bıçaqla ağır bədən xəsarəti yetirməkdə şübhəli bilinən Bakı şəhər sakini, 1981-ci il təvəllüdlü Maarif Babayev tutulub.

İlkin məlumata görə, Maarif Babayev hadisəsini qısqanclıq zəminində törətdiyi bildirilir. Belə ki, qeyri-rəsmi yaşadığı qadını Rauf Rzayevlə görüb. Bunu görən Maarif Babayev zərərçəkmiş bıçaqla xəsarət yetirib.