Bakıda yaşayış binasının partlamasının qarşısı alınıb

Binada qaz sızmasından partlayış təhlükəsi yaranıb

Noyabrın 5-də Bakı şəhəri Nərimanov rayonu ərazisində yerləşən yaşayış binasının mənzillərinin birində qaz sızması barədə məlumat daxil olub.

Lent.az-ın Fövqəladə Hallar Nazirliyinin rəsmi saytına istinadən verdiyi məlumata görə, hadisə yerinə gəlmiş xilasedicilər beşmərtəbəli yaşayış binasının sonuncu mərtəbəsindən enərək 4-cü mərtəbədə yerləşən həmin mənzilə daxil olublar.

Mənzilə baxış keçirilərkən orada heç kimin olmadığı və mətbəxdə qaz sobasının açıq vəziyyətdə qaldığı müəyyən edilib. Xilasedicilər hadisə yerində müvafiq təhlükəsizlik tədbirləri görüblər.