Dayə 7 aylıq körpəni dilənçilərə kirayə verib

Hindistanda bir dayə qadın inanılmaz hərəkət edib.

Lent.az-ın “Time of İndia” qəzetinə istinadən verdiyi məlumata görə, o, davamlı olaraq, dərmanla yatırtdığı 7 aylıq körpəni günü 2 dollara küçə dilənçilərinə verirmiş.

Körpənin anası Bangalore şəhərində beynəlxalq bir şirkətdə çalışırmış. Ananın bir gün işdən evə tez gəlməsiylə dayənin bu əməlinin üstü açılıb.

Ananın sorğu-sualı qarşısında dayə əməlini etiraf edib və son 3 həftədə körpəni dilənçilərə kirayə verdiyini boynuna alıb.