İsmayıllı rayonunda 11-ci sinif şagirdi özünü asdı

17 yaşlı oğlanın intiharının səbəbi məlum deyil

Azərbaycanın İsmayıllı rayonunda 11-ci sinif şagirdi özünü öldürüb. Bu barədə APA-ya İsmayıllı rayon Prokurorluğundan məlumat verilib.

Hadisə rayonun Hacıhətəmli kəndində baş verib. Kənd sakini, 1992-ci il təvəllüdlü Murad Behbudov yaşadığı evin həyətindəki tövlədə özünü asaraq, intihar edib. Onun özünə qəsd etməsinin səbəbləri barədə hələlik məlumat yoxdur.

Faktla bağlı İsmayıllı rayon Prokurorluğu tərəfindən Cinayət Məcəlləsinin 125-ci (özünü öldürmə həddinə çatdırma) maddəsi ilə cinayət işi başlanıb, istintaq gedir.