Çayxanada atışma

Fatmayi kəndində baş verən hadisə zamanı çayxananın sahibinə güllə atıblar, oğlunu isə döyüblər

Oktyabrın 27-də Bakının Fatmayi kəndində kənd sakinləri Osman Əliyev və onun qardaşı Kazım həmyerliləri Ramiz Cəfərova məxsus çayxanaya gəliblər.

Daxili İşlər Nazirliyinin mətbuat xidmətindən Lent.az-a verilən məlumata görə, qardaşlar Ramiz Cəfərov istiqamətində ov tüfəngindən 2 dəfə atəş açıblar, eyni zamanda Ramiz Cəfərovun oğlu Pərvizi döyüblər.

Abşeron Rayon Polis Şöbəsinin əməkdaşlarının keçirdikləri əməliyyat-axtarış tədbirləri nəticəsində Osman Əliyev və qardaşı Kazım tutulublar.

Qardaşlardan 1 ədəd xaricdə istehsal olunmuş ov tüfəngi və 2 ədəd güllə götürülüb.
Araşdırma aparılır.