Qəzada ölən hamilə qadının bətnindəki körpə sağ qaldı

Dünən Ankaraya gedən magistral yolda sürətlə hərəkət edən minik avtomobilinin təkəri partlayıb və çevrilən avtomobil 100 metr sürüklənib.

Lent.az-ın “haberturk” saytına istinadən verdiyi məlumata görə, avtomobildəki 6 nəfərdən ikisi – Nuri Gündüz və Şükran Kırgıl hadisə yerində keçinib. 4 yaralı isə xəstəxanaya çatdırılıb. Yaralılardan Sultan Kırgül və Tuana Gündüzün müalicəsi xəstəxanada davam etdirilir.

Qəzada yaralanan 26 yaşlı Nuriyə Gündüz isə xəstəxanada keçinib. 7 aylıq hamilə olan Nuriyə Gündüzün bətnindəki körpəni xilas etmək mümkün olub. Onun üzərində cərrahiyyə əməliyyatı aparılıb və körpə bətnindən çıxarılıb.

Anası ölən körpənin sağlam olduğu bildirilir.