Praia de Monte Kleriqo çimərliyi 2026-cı ildə Avropanın ən yaxşı çimərliyi seçilib. Bu çimərlik məşhur Portuqaliya kurort bölgəsi olan Algarvedə yerləşir.
Lent.az xarici mediaya istinadən xəbər verir ki, mütəxəssislər Avropa üzrə yüzlərlə çimərliyi təhlil etdikdən sonra bu nəticəyə gəliblər.
Hər bir istiqamət bir sıra meyarlar əsasında qiymətləndirilib. Bunlara təbii gözəllik, suyun keyfiyyəti, əlçatanlıq, ailəvi mühit, autentiklik, aktiv istirahət imkanları, ətraf mühitin qorunması, çimərlik xidmətləri, yaxınlıqdakı yaşayış məkanlarının keyfiyyəti və ümumi atmosfer daxildir.
Praia de Monte Kleriqo sahilində yerləşən qalib çimərlik getdikcə daha çox autentiklik, toxunulmamış təbiət, dəniz havası, sörf mədəniyyəti, yürüş marşrutları və izdihamlı kurortlardan uzaq sakit lüks axtaran turistləri cəlb edir.
Qızılı qayaları, vəhşi Atlantik mənzərələri və unudulmaz günbatımları ilə tanınan bu məkan sürətlə Portuqaliyanın ən yaxşı günbatımı çimərliklərindən biri kimi şöhrət qazanır.
Bundan başqa mütəxəssislər 2026-cı ilin Avropanın ən gözəl 10 çimərliyinin siyahısını hazırlayıblar:
1. Praia de Monte Kleriqo – Alqarve, Portuqaliya
2. Voutoumi Beach – Antipaksos adası, Yunanıstan
3. Fteri Beach – Kefaloniya adası, Yunanıstan
4. Elafonissi Beach – Krit adası, Yunanıstan
5. Bogliasco Beach – Liquriya, İtaliya
6. Cala Mesquida Beach – Mayorka adası, İspaniya
7. Kvalvika Beach – Moskenes adası, Norveç
8. Rovinia Beach – Korfu adası, Yunanıstan
9. Kaputaş Beach – Antalya, Türkiyə
10. Paleokastritsa Beach – Korfu adası, Yunanıstan.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
