Bir çox qadın düşünür ki, həyat yoldaşına səhvlərini deməklə ona kömək edir. Lakin psixoloqlar bildirir ki, məhz davamlı tənqid münasibətlərə ən çox zərər verən amillərdən biridir. Mütəxəssislərin sözlərinə görə, kişilər iradları çox vaxt şəxsi dəyərsizləşdirmə kimi qəbul edir. Hətta qadın bunu yaxşı niyyətlə desə belə, qarşı tərəf bunu məsləhət kimi yox, hücum kimi qavrayır.
Lent.az xəbər verir ki, psixoloqların fikrincə, kişi tənqid eşitdikdə özünü müdafiə etməyə başlayır və ünsiyyətdən uzaqlaşır. Onun beyni bu sözləri təhlükə siqnalı kimi qəbul edir.
Kişilər xüsusilə qiymətləndirilməyə həssas olur. Onlar üçün hörmət və etibar hissi böyük əhəmiyyət daşıyır. Əgər qadın davamlı olaraq sən yenə səhv etdin kimi ifadələr işlədirsə, kişi tədricən ünsiyyətdən qaçmağa başlayır.
Bu zaman qadın isə təəccüblənir ki, niyə münasibət soyuyub. Əslində isə səbəb çox vaxt ünsiyyət tonu ilə bağlı olur.
Mütəxəssislər tənqidi konkret xahişlərlə əvəz etməyi tövsiyə edir. Məsələn, “sən heç nə etmirsən” demək əvəzinə “mənə bu işdə kömək edə bilərsən?” kimi ifadələr daha müsbət nəticə verir.
Araşdırmalara görə, kişilər nəticəyə yönəlib və gördükləri işin qiymətləndirilməsini istəyirlər. Kiçik şeylərə görə belə təşəkkür etmək onların motivasiyasını artırır.
Əksinə, davamlı tənqid əks effekt yaradır. Kişi düşünür ki, nə etsə də kifayət etməyəcək və nəticədə səy göstərməkdən imtina edir.
Bəzi qadınlar hesab edir ki, tənqid olmasa, kişi məsuliyyətsiz olacaq. Lakin psixoloqlar vurğulayır ki, dəstək və təşviq daha effektivdir.
Kişi hörmət hiss etdikdə daha təşəbbüskar olur və özü kömək yolları axtarmağa başlayır. Ünsiyyətdə tonun düzgün seçilməsi də vacibdir, hətta doğru sözlər əsəbi şəkildə deyildikdə belə, hücum kimi qəbul olunur.
Mütəxəssislər bildirir ki, yanaşma dəyişdikdə münasibətlər də sürətlə yaxşılaşır. Kişi daha açıq və diqqətli olur, mübahisələrin yerini isə qarşılıqlı anlaşma və sakitlik tutur.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
