Göy gurultulu hava başlayanda bir çox insan elektrik kəsilə bilər düşüncəsi ilə telefonu “ehtiyat üçün” şarja qoşmağa tələsir. Lakin mütəxəssislər xəbərdarlıq edir ki, ildırım zamanı smartfonu elektrik şəbəkəsinə qoşmaq həm cihaz, həm də insan üçün təhlükəli ola bilər.
Lent.az xarici mediaya istinadən xəbər verir ki, göy gurultulu hava zamanı telefonu elektrikdən şarj etmək tövsiyə olunmur. Hətta ildırım və göy gurultusu eşidildikdə istənilən cihazı rozetkaya qoşmaqdan çəkinmək məsləhətdir.
Əsas təhlükə başqa məsələ ilə bağlıdır: ildırım elektrik xətlərinə düşə bilər və nəticədə evin elektrik sistemində güclü gərginlik sıçrayışı yaranar. Məhz bu sıçrayış ən böyük risk hesab olunur.
Belə hallarda elektrik impulsu:
• şarj cihazını və smartfonu sıradan çıxara bilər
• evdəki digər texnikaya zərər verə bilər
• nadir hallarda yanğına və ya elektrik vurmasına səbəb ola bilər
Ekspertlər həmçinin bildirirlər ki, ildırım naqillər, metal konstruksiyalar və kommunikasiya xətləri vasitəsilə “hərəkət edir”. Buna görə də elektrik şəbəkəsinə qoşulmuş bütün cihazlar potensial risk altındadır.
Yaxşı xəbər isə budur ki, telefonu rozetkaya qoşmadan istifadə etmək təhlükəsiz sayılır. Smartfon şarjda olmadığı halda mobil rabitədən və internetdən rahat istifadə etmək mümkündür.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
