Hazırda TRIPP layihəsinin maliyyələşmə modelinin müəyyənləşdirilməsi üzərində işləyirik.
Lent.az APA-ya istinadən xəbər verir ki, bu barədə Ermənistanın xarici işlər nazirinin müavini Vahan Kostanyan Antalya Diplomatiya Forumu çərçivəsində keçirilən “Cənubi Qafqaz: Strateji mərkəzə çevrilmə yolunda” adlı panel sessiyasından sonra jurnalistlərə açıqlamasında deyib.
“Biz TRIPP layihəsi ilə bağlı amerikalı həmkarlarımızla birlikdə icra mərhələsini davam etdiririk və ya sahədə işə başlamağa hazırlıq görürük. Yanvarda TRIPP İcra Çərçivəsi qəbul edildikdən sonra bu proses aktiv şəkildə irəliləyir. Hazırda biz maliyyələşmə modelinin müəyyənləşdirilməsi üzərində işləyirik və Ermənistan ərazisində qeydiyyatdan keçəcək “TRIPP” şirkətinin necə qurulacağını müzakirə edirik. Yəni çox fəal iş gedir. Eyni zamanda amerikalı tərəfdaşlarla paralel şəkildə mümkün marşrutlar üzrə texniki-iqtisadi əsaslandırma aparılır ki, müxtəlif bağlantı xətləri haradan keçsin”, - deyə Vahan Kostanyan qeyd edib.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
