PSJ-nin baş məşqçisi Maurisio Poçettino istefaya göndərilib.
Lent.az bildirir ki, ESPN-in məlumatına görə, tərəflər iyunun 15-də müqaviləyə xitam vermək barədə razılığa gəliblər.
Qeyd edək ki, argentinalının komanda ilə müqaviləsi qüvvədə idi və 2023-cü ilin yayında başa çatır. Bu mövsüm Poçettinonun rəhbərlik etdiyi klub 1-ci Liqada inamlı qələbə qazansa da, Fransa Kubokunda və Çempionlar Liqasında uğursuz çıxış edib.
Jurnalistlərin informasiyasına görə, PSJ-nin baş məşqçisi postuna əsas namizəd “Nitsa”nın çalışdırıcısı Kristof Qaltyedir. Bu posta mütəxəssisi Leonardonu əvəzləyən parislilərin yeni idman direktoru Luis Kampos irəli sürür.
Bundan əlavə, iddiaçılar arasında Zinəddin Zidan, Xulen Lopeteqi, Marselo Qalardo və Ruben Amorimin adları da var.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
