Avropada müharibə ehtimalı ilə bağlı müzakirələr fonunda süni intellekt sistemləri də öz proqnozlarını açıqlayıb. Təhlillərə görə, Rusiyanın Avropaya hücum ehtimalını tam istisna etmək mümkün deyil, lakin yaxın illərdə genişmiqyaslı müharibə ehtimalı aşağı qiymətləndirilir.
Lent.az xarici mediaya istinadla xəbər verir ki, ekspertlərin və süni intellekt modellərinin təhlilinə əsasən, hazırda belə bir ssenarinin baş verməsi üçün bir sıra maneələr mövcuddur.
Əsas səbəblərdən biri NATO-nun hərbi baxımdan Rusiyadan daha üstün hesab olunmasıdır. Bundan əlavə, alyansın bir üzvünə hücum bütün üzvlərin kollektiv cavab verməsinə səbəb olur ki, bu da böyükmiqyaslı müharibə riskini azaldır.
Süni intellekt hesab edir ki, yaxın 3–5 il ərzində Avropada klassik genişmiqyaslı müharibə ehtimalı çox aşağıdır. Bununla belə, bəzi ekspertlərin fikirlərinə istinad edilərək qeyd olunur ki, Rusiya növbəti 5-7 il ərzində hərbi güc tətbiqinə daha hazır vəziyyətə gələ bilər.
Analitik proqnozlara görə, mümkün gərginliklər daha çox lokal xarakter daşıya bilər. Buraya təxribatlar, kiberhücumlar, enerji infrastrukturlarına qarşı hücumlar və hibrid müharibə elementləri daxildir. “Sabah tanklar Parisdə olacaq” kimi ssenarilər isə real hesab edilmir.
Risk zonasına ən yaxın ölkələr kimi Baltikyanı dövlətlər və Polşanın şərq hissəsi göstərilir. Bunun səbəbi onların coğrafi mövqeyi və strateji əhəmiyyətidir. Finlandiya, Rumıniya və Almaniya isə orta risk zonasında qiymətləndirilir və bu ölkələrdə daha çox kiberhücum və sabotaj ehtimalı qeyd olunur.
Daha uzaq bölgələr, İspaniya, Portuqaliya və İtaliyanın bəzi hissələri isə nisbətən təhlükəsiz hesab edilir, çünki onlar potensial cəbhə xəttindən xeyli uzaqda yerləşir.
Digər süni intellekt sistemi də oxşar mövqe nümayiş etdirərək bildirir ki, 2026-2029-cu illər arasında birbaşa hücum ehtimalı aşağıdır. Bununla yanaşı, bəzi rəsmi açıqlamalara əsaslanaraq qeyd edilir ki, Rusiya yalnız Ukraynadakı müharibə tam başa çatdıqdan sonra NATO ilə daha geniş qarşıdurmaya hazırlaşa bilər.
Proqnozlara görə, mümkün ssenari baş verərsə, ilk təsirə məruz qala biləcək ölkələr Baltikyanı respublikalar, Polşa və Finlandiya ola bilər. Almaniya və Skandinaviya ölkələrində isə əsas risk kritik infrastruktur obyektlərinə yönəlmiş hücumlarla bağlıdır.
Süni intellekt ümumilikdə belə nəticəyə gəlir ki, yaxın illərdə Avropada genişmiqyaslı müharibə ehtimalı zəifdir, lakin uzunmüddətli perspektivdə riskləri tam istisna etmək mümkün deyil.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
