Ukrayna kəşfiyyatının məlumatına görə, Rusiya İrana İsrailin enerji infrastrukturundakı 55 vacib hədəfin siyahısını təqdim edib; potensial hücumların ölkənin bütün elektrik sistemini çökdürmək riski daşıdığı bildirilir.
Lent.az-ın xarici mediaya istnadən xəbərinə görə, İsrail mətbuatında yer alan bir iddianın bölgədəki gərginliyi daha da artıracağı ehtimal olunur. "The Jerusalem Post" qəzetinin Ukrayna kəşfiyyatına yaxın mənbələrə istinadən verdiyi məlumata görə, Rusiya İrana İsrailin həyati əhəmiyyətli enerji infrastrukturuna aid 55 hədəfin ətraflı siyahısını təqdim edib.
Sözügedən siyahının İsrailin enerji şəbəkəsinə potensial İranın raket hücumlarını asanlaşdıra biləcəyi deyilir.
Xəbərdə müəyyən edilmiş hədəflərin strateji əhəmiyyətinə görə üç ayrı kateqoriyaya bölündüyü bildirilir. Birinci kateqoriyaya ölkənin enerji sistemini tamamilə sıradan çıxara biləcək vacib istehsal müəssisələri daxildir. İkinci kateqoriyaya böyük şəhərləri enerji ilə təmin edən sənaye və şəhər mərkəzləri, üçüncü kateqoriyaya isə transformator yarımstansiyaları və yerli enerji infrastrukturu daxildir.
Aralıq dənizi sahilində yerləşən və İsrailin ən böyük elektrik stansiyası kimi tanınan Orot Rabin qurğusunun 1-ci kateqoriya üzrə prioritet hədəf kimi təyin edildiyi irəli sürülüb.
Xəbərdə həmçinin İsrailin "enerji adası" olduğu və elektrik enerjisinə olan ehtiyacları üçün qonşu ölkələrdən asılı olmadığı vurğulanıb. Buna görə də, hətta vacib obyektlərə kiçik ziyan belə, ölkə daxilində uzun müddətli elektrik kəsintilərinə və təmiri çətin olan texniki nasazlıqlara səbəb ola bilər.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
