İŞİD-in ikinci əsas lideri məhv edildi

ABŞ və Nigeriya hərbçiləri İŞİD-in ikinci ən nüfuzlu lideri hesab edilən Əbu Bilal əl-Maynakini məhv ediblər.

Lent.az xəbər verir ki, bu barədə ABŞ prezidenti Donald Trump “Truth Social” sosial şəbəkəsində bildirib.

“Əbu Bilal əl-Maynaki düşünürdü ki, Afrikada gizlənə biləcək. Amma o bilmirdi ki, onun hərəkətləri barədə bizi məlumatlandıran mənbələrimiz var”, — deyə Tramp yazıb.

ABŞ prezidenti əlavə edib ki, o, artıq Afrika sakinlərinə terror edə və amerikalılara qarşı əməliyyatların planlaşdırılmasında iştirak edə bilməyəcək.