Rusiyanın Lipetsk vilayət məhkəməsi Yelets həbsxanasında cəza çəkən 12 məhbusa qarşı ittiham hökmü çıxarıb. Onlar ekstremist təşkilat fəaliyyətinin təşkilində və AUE hərəkatının maliyyələşdirilməsində təqsirli biliniblər.
Lent.az yerli mediaya istinadla xəbər verir ki, bundan əlavə, təqsirləndirilən şəxslərdən biri “cinayət iyerarxiyasında ən yüksək mövqe tutmaq” maddəsi ilə də cəza alıb.
Kriminal avtoritet Rusiya Cinayət Məcəlləsinin 210.1-ci maddəsi (“cinayət iyerarxiyasında ən yüksək mövqe tutmaq”), 282.2-ci maddəsinin 1-ci hissəsi (“ekstremist təşkilatın fəaliyyətinin təşkili”) və 282.3-cü maddəsinin 1-ci hissəsi (“onun maliyyələşdirilməsi üçün vəsait toplamaq”) ilə təqsirli bilinib.
Məhkəmə ona 12 il həbs və 1 milyon rubl cərimə cəzası verib. O, cəzanın ilk ilini həbsxanada, qalan müddəti isə ciddi rejimli müəssisədə çəkəcək.
Onun “obşak”ın formalaşdırılmasına kömək edən digər təqsirləndirilən şəxsə isə ikinci və üçüncü maddələr üzrə 10 ay azadlığın məhdudlaşdırılması ilə birlikdə xüsusi rejimli həbsxanada 6 il həbs cəzası verilib.
Digər məhkumlar “smotryaşi” rolunu yerinə yetiriblər. Onlar 282.2-ci maddənin 1-ci hissəsi üzrə ciddi və ya xüsusi rejimli müəssisələrdə 3 ildən 5 ilədək həbs cəzasına məhkum olunublar.
Cinayətlərin üstü Lipetsk vilayət Federal Təhlükəsizlik Xidməti tərəfindən açılıb. Məhkəmənin müəyyən etdiyi məlumata görə, Yeletsdə yerləşən 3 saylı cəzaçəkmə müəssisəsində saxlanılan 42 yaşlı məhkum “polojenes” (nəzarətçi) statusu alıb.
Məhkəmə materiallarında bildirilib ki, o, nəzarət etdiyi ərazidə “oğru ideyalarını” təbliğ edib, kriminal yönümlü şəxsləri öz ətrafında birləşdirib, cinayət subkulturasını yaymağa davam edib və cəzaçəkmə müəssisəsinin daxili qaydalarına əməl etməyib.
Mətbuat xidmətinin məlumatına görə, kriminal avtoritet əlaltıları ilə birlikdə “obşak” formalaşdırıb və həmin vəsait hesabına ekstremist təşkilat maliyyələşdirilib.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
