Qırğızıstanlı MMA döyüşçüsü Mədət Jeenaliyev Issık-Kul gölündə boğulan uşaqları xilas etməyə çalışarkən həlak olub.
Lent.az xəbər verir ki, azyaşlı dörd qız Baktu-Dolonotu kəndindəki çimərlikdə istirahət edirmiş. Onlardan biri göldə çimərkən güclü dalğalar səbəbindən boğulmağa başlayıb. İdmançı dostu ilə birlikdə uşaqlara kömək etmək üçün suya girib.
Kişilər boğulan məktəblini xilas edə bilsələr də, Medet Jeenaliyev özü həyatını itirib.
Qırğızıstan Fövqəladə Hallar Nazirliyinin məlumatına görə, 30 yaşlı idmançının cəsədi ertəsi gün tapılıb və ailəsinə təhvil verilib.
Jeenaliyev yüngül çəkidə çıxış edirdi. O, peşəkar karyerası ərzində dörd döyüş keçirib, bunlardan ikisində qalib gəlib, ikisində isə məğlub olub.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
