Avtomobil alıcıları adətən işlənmiş elektromobillərdən çəkinirlər və “ölmüş” batareyalar haqqında miflərə inanırlar. Lakin real təcrübə göstərir ki, əsas problemlər çox vaxt ən az gözlənilən yerlərdə gizlənir.
Lent.az xəbər verir ki, bu problemləri isə pul ödənilməmiş və müqavilə imzalanmamışdan əvvəl aşkar etmək vacibdir.
“Alıcıların narahatlıqlarına baxmayaraq, elektromobillərdə batareya problemləri nadir hallarda rast gəlinir və yoxlanılan avtomobillərin cəmi 0,3%-ni əhatə edir”, — deyə mütəxəssislər vurğulayırlar.
Bununla belə, statistika göstərir ki, işlənmiş elektromobillər ənənəvi avtomobillərlə müqayisədə bir qədər zəif etibarlılıq göstəricilərinə malikdir. Belə ki, onlar üçün risk əmsalı 1,16 təşkil edir, halbuki dizel mühərrikli avtomobillərdə bu göstərici 0,94-dür.
Bəs işlənmiş elektromobilə baxış zamanı əslində nələrə diqqət yetirmək lazımdır? Mütəxəssislər bunu məşhur “Tesla Model 3” modeli üzərində ətraflı izah ediblər.
“Əsas narazılıqlar mühərrik və ya batareya ilə deyil, daha çox kuzovun keyfiyyəti ilə bağlıdır. Alüminium komponentlər və mürəkkəb yapışdırıcı birləşmələr bu cür avtomobillərin təmirini həm çox bahalı, həm də spesifik edir”, — deyə avtoekspertlər vurğulayırlar.
Mütəxəssislər qəti şəkildə tövsiyə edir: kuzovun həndəsəsinin yoxlanılması, həmçinin qaynaq və ya yapışdırma tikişlərinin keyfiyyətinin qiymətləndirilməsi kritik əhəmiyyət daşıyır. Diaqnostikanın bu mərhələsi prioritet olmalı, batareyanın qalıq tutumunun ölçülməsi isə ikinci plana keçməlidir. Bu qaydaya əməl edilməməsi arzulanan alışın ciddi maliyyə itkilərinə çevrilməsinə səbəb ola bilər.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
