Alimlər tərəfindən aparılan son tədqiqat erkən insanlar və neandertallar arasında münasibətlərin əvvəl düşünüləndən daha mürəkkəb olduğunu ortaya qoyub.
Lent.az xarici mediaya istinadən xəbər verir ki, araşdırmaya görə, Levant bölgəsi uzun müddətdir müxtəlif insan növlərinin qarşılaşdığı əsas ərazilərdən biri kimi tanınır. Bu regionda əldə olunan tapıntılar sosial və mədəni davranışların tarixinin digər bölgələrlə müqayisədə daha qədim olduğunu göstərir.
Tədqiqat çərçivəsində alimlər İsraildə yerləşən Tinshemet mağarasında aşkar edilən tapıntıları analiz ediblər. Qeyd olunur ki, bu ərazi son 50 ildə orta paleolit dövrünə aid ilk yeni dəfn nümunələrinin tapıldığı məkan hesab olunur.
Tapıntılar göstərir ki, Neandertallar və Homo sapiens yalnız eyni ərazidə yaşamayıb, həm də bir-biri ilə qarşılıqlı təsirdə olub.
Alimlər müxtəlif ərazilərdən əldə olunan məlumatları müqayisə edərək oxşar daş alətlər, eyni dəfn formaları, axirət inancı ilə bağlı əşyalar və oxra izləri aşkar ediblər. Bu isə müxtəlif insan qrupları arasında ortaq mədəni və sosial davranışların mövcud olduğunu göstərir.
Araşdırma zamanı daş alət istehsalı, ov strategiyaları və sosial davranış kimi sahələr də araşdırılıb. Nəticədə məlum olub ki, bu qruplar arasında həm əməkdaşlıq, həm də rəqabət elementləri mövcud olub.
Qüdsdə yerləşən Yəhudi Universitetinin tədqiqatçısı Marion Prevost bildirib ki, orta paleolit dövründə iqlim şəraitinin yaxşılaşması regionda əhali sayının artmasına və müxtəlif insan qrupları arasında əlaqələrin güclənməsinə səbəb olub.
Alimlər Levant bölgəsini müxtəlif insan qruplarının qarşılıqlı əlaqədə olduğu ərimə qazanı ilə müqayisə edir. Onların fikrincə, bu qarşılıqlı təsir bilik və bacarıqların mübadiləsinə, eləcə də texnoloji və mədəni inkişafa gətirib çıxarıb.
Qeyd olunur ki, əldə edilən nəticələr qədim insanların təcrid olunmuş şəkildə deyil, davamlı qarşılıqlı əlaqə şəraitində yaşadığını təsdiqləyir.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
