Azərbaycan prezidenti Qətər əmiri ilə görüşüb

Azərbaycanda rəsmi səfərdə olan Qətər əmiri Şeyx Təmim bin Həməd Al Taninin martın 8-də rəsmi qarşılanma mərasimi olub. Lent.az prezidentin saytına istinadən xəbər verir ki, Azərbaycan Prezidenti İlham Əliyev Qətər əmiri Şeyx Təmim bin Həməd Al Tanini qarşılayıb. Daha sonra fəxri qarovul dəstəsinin rəisi Qətər əmirinə raport verib.

Qətərin və Azərbaycanın dövlət himnləri səslənib.

Rəsmi qarşılama mərasimi başa çatdıqdan sonra Azərbaycan Prezidenti İlham Əliyevin Qətər əmiri Əlahəzrət Şeyx Təmim bin Həməd Al Tani ilə geniş tərkibdə görüşü keçirilib.