Emin Həsənli: “Mübariz və Fərid kimi oğullar Azərbaycan bayrağını daim ucalığa qaldıracaqlar”

Bu gün Bayraq Günü münasibətilə Tərxis Olunmuş Hərbçilərin Gəncləri Maarifləndirmə İctimai Birliyinin (TOHGMİB) üzvləri Heydər Əliyevin məzarını, Şəhidlər Xiyabanını ziyarət ediblər.

Lent.az-ın verdiyi məlumata görə, TOHGMİB daha sonra İkinci Fəxri Xiyabanında təmas xəttində gedən döyüşlərdə düşməni dəf edərkən qəhrəmancasına həlak olmuş Mübariz İbrahimov və Fərid Əhmədovun məzarlarını ziyarət ediblər.

TOHGMİB-nin sədri Emin Həsənli deyib ki, Azərbaycanın Mübariz İbrahimov və Fərid Əhmədov kimi oğulları çoxdur və onlar Azərbaycan bayrağını daim ucalığa qaldıracaq, işğal olunmuş torpaqlarımızı azad edəcəklər: “ Bu cür gəncliyi olan Azərbaycanın torpaqları işğal altında qalmayacaq”.