Kartof kifayət qədər tələbkar olmayan bitkidir, lakin onun məhsuldarlığı və sağlamlığı əkildiyi yerdən çox asılıdır. Elə sahələr və şərtlər var ki, orada kartof əkmək tövsiyə olunmur, çünki bu, xəstəliklərə və ya məhsulun ciddi azalmasına səbəb olur.
Lent.az bunun səbəblərini təqdim edir:
torpaqda xəstəlik törədiciləri (fitoftoroz, müxtəlif göbələklər) toplanır
zərərvericilərin sayı artır
torpaq müəyyən qida maddələri baxımından tükənir
Kartofu eyni sahəyə ən tez 3-4 ildən sonra qaytarmaq tövsiyə olunur. Pomidor, bibər və badımcan yetişdirilən sahədə kartof əkmək olmaz. Səbəb odur ki, onların hamısı eyni ailəyə aiddir və ortaq xəstəlik və zərərvericiləri var. Belə torpaq adətən artıq fitoftoroz və digər infeksiyalarla yoluxmuş olur.
Kölgəli yerlərdə
Kartof çox günəş işığına ehtiyac duyur. Kölgədə əkildikdə:
gövdə uzanır və zəifləyir
yumrular xırda olur
rütubət və zəif havalanma səbəbilə göbələk xəstəliklərinin riski artır
Həddindən artıq nəmli və bataqlıq sahələrdə
Artıq su kartof üçün zərərlidir. Bu zaman:
yumrular torpaqda çürüyə bilər
bakterial və göbələk xəstəlikləri inkişaf edir
Aşağıdakı hallarda kartof əkmək olmaz:
uzunmüddətli təsirli herbisidlər çox istifadə olunubsa
torpaq tikinti tullantıları və ya ağır metallarla çirklənibsə
torpaq sıxlaşıb və illərlə becərilməyibsə
Belə şərait köklərin inkişafını zəiflədir və yumruların formalaşmasını pisləşdirir. Bitkilər 10-15 santimetr böyüdükdə ilk dəfə torpaq çəkilir (kök dibinə torpaq yığılır). Bu:
cavan zoğları soyuqdan qoruyur
qurumanın qarşısını alır
2-3 həftə sonra bu proses yenidən təkrarlanır, xüsusilə torpaq çökmüş və ya yağışdan sonra. Kartof yalnız quraqlıq olduqda suvarılmalıdır. Ən çox suya ehtiyac tumurcuqlanma və çiçəkləmə dövründə olur məhz bu vaxt yumrular formalaşır. Zərərvericilərə, xüsusilə Kolorado böcəyinə də daim nəzarət etmək lazımdır. Onun sürfələri yarpaqları tez məhv edə bilər, buna görə bitkiləri mütəmadi yoxlamaq və lazım olduqda emal etmək və ya əl ilə toplamaq vacibdir.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
