Türkiyəli məşhur müğənni Haluk Levent konsertdən sonra yolda qəflətən halı pisləşdiyi üçün təcili olaraq xəstəxanaya yerləşdirilib.
Lent.az xəbər verir ki, bu barədə "Hürriyet" qəzeti məlumat yayıb.
Məlumata görə, tanınmış sənətçi Eskişehirdəki konsert proqramından sonra AFAD (Fövqəladə Halların İdarə Olunması Agentliyi) rəsmiləri ilə görüşə gedərkən yolda özünü pis hiss edib. O, dərhal Qazi Universiteti Tibb Fakültəsi Xəstəxanasına aparılıb.
Xəstəxanada aparılan ilkin tibbi müayinələrdən sonra sənətçinin mədə qanaması keçirdiyi müəyyən olunub.
Vəziyyəti ciddi qiymətləndirilən Haluk Levent dərhal reanimasiya şöbəsinə yerləşdirilib. Həkimlər hazırda onun reanimasiyadakı müalicəsini intensiv şəkildə davam etdirdiklərini və vəziyyətinin nəzarət altında olduğunu bildirirlər.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
