Velosipedçi FACİƏLİ şəkildə öldü

İsveçrəli velosipedçi Cino Meder "Tour of Switzerland"ın beşinci mərhələsində yıxılaraq dünyasını dəyişib.

Lent.az-ın xarici mediaya istinadən xəbərinə görə, iyunun 15-də idmançı yüksək sürətlə dərəyə yıxılaraq xəstəxanaya yerləşdirilib.

“Xəstəxana işçilərinin bütün səylərinə baxmayaraq, Cino bu son və ən böyük sınağın öhdəsindən gələ bilmədi. Komandamızın parlayan ulduzlarından biri ilə vidalaşdıq”, - Mederin komandası “Bahrain Victorious”un mətbuat xidməti belə açıqlama verib.

“Tour of Switzerland” yarışının altıncı mərhələsi ləğv edilib və mərhumun xatirəsinə birgə 30 kilometr məsafəyə velosipedçilərin yarışı ilə əvəz olunacaq.