Səudiyyə Ərəbistanında istirahət reklamı üçün böyük pul alacaq

Argentinalı futbolçu Lionel Messi sosial şəbəkələrində Səudiyyə Ərəbistanında turizmin reklamına görə təxminən 25 milyon dollar alacaq.

Lent.az-ın xarici mediaya istinadla xəbərinə görə, Leo ilə müqavilə üç illikdir. Razılaşmanın şərtlərinə görə, Messi kommersiya fəaliyyətlərində iştirak etməli, xüsusi hashtag ilə sosial şəbəkələrdə Səudiyyə Ərəbistanı ilə bağlı paylaşımlar etməli və ailəsi ilə birlikdə ödənişli tətillər keçirməli olacaq. Bundan əlavə, futbolçuya ölkənin reputasiyasına “xələl gətirə biləcək” hər hansı sözlər söyləmək qadağan olunacaq.

Messinin PSJ ilə müqaviləsi iyunun 30-da başa çatıb. Argentinalı futbolçu karyerasını sahiblərindən biri İngiltərə millisinin keçmiş kapitanı Devid Bekhemin olduğu "İnter Mayami"də davam etdirəcəyini açıqlayıb.