"Seltik" keçmiş baş məşqçisini qaytardı

"Lester"in keçmiş baş məşqçisi Brendan Rocers "Seltik"in baş məşqçisi vəzifəsinə gətirilib.

Lent.az xarici mediaya istinadla bildirir ki, bu barədə klubun mətbuat xidməti məlumat yayıb.
Şimali irlandiyalı mütəxəssisin Qlazqo klubu ilə 3 illik müqavilə imzaladığı bildirilir. 50 yaşlı menecer Anqelos Postekoğlunun "Tottenhem"ə başçılıq etməsindən sonra vakant vəzifəyə gəlib.

Xatırladaq ki, Rocers bundan əvvəl üç il (2016-2019) “Seltik”i çalışdırıb və ardıcıl üç mövsüm komanda ilə Şotlandiya çempionu olub. O, bu mövsüm aprel ayında "Lester"in baş məşqçisi vəzifəsindən istefa verib və o vaxtdan bəri işsiz qalıb.