“Real” onunla müqavilənin uzadıldığını elan etdi

"Real" yarımmüdafiəçisi Toni Kroosla müqaviləni rəsmən uzadıb.

Lent.az xarici mediaya istinadla bildirir ki, bu barədə "Kral klubu”nun mətbuat xidməti məlumat yayıb.

Mənbənin məlumatına görə, 33 yaşlı futbolçu “Real” ilə 1 illik yeni əmək müqaviləsi bağlayıb. Almaniyalının keçmiş müqaviləsi bu ayın sonunda başa çatır.

Kroos 2014-cü ildən "Real"da çıxış edir. 2022/2023 mövsümündə o, Karlo Ançelottinin komandasında 52 oyun keçirib, iki qol vurub və altı məhsuldar ötürmə edib. Madrid düşərgəsində dörd dəfə Çempionlar Liqasının, üç dəfə İspaniya çempionu olub.