Növbəti dünya çempionatında iştirakdan imtinasının səbəblərini AÇIQLADI

Argentina millisinin kapitanı Lionel Messi 2026-cı il dünya çempionatında niyə oynamayacağını açıqlayıb.

“Yaş və vaxta görə orada oynamaq mənim üçün çətin olacaq. Seçmə mərhələlər, Amerika Kuboku var, Dünya Kuboku haqqında düşünmək hələ tezdir”, - Lent.az-ın xarici mediaya istinadla xəbərinə görə, 35 yaşlı futbolçu bildirib.

Xatırladaq ki, 2026-cı il dünya çempionatı ABŞ, Kanada və Meksikada keçiriləcək.

Messiyə gəlincə, o, 2005-ci ilin avqustundan ölkənin əsas komandasında çıxış edir. Hücumçunun aktivində 175 oyun və 103 qol var. O, milli komandanın 2022-ci ildə Dünya Kubokunu və 2021-ci ildə Amerika Kubokunu qazanmasına kömək edib.