Messi, Modriç və Neymar Səudiyyə Ərəbistanında oynamaqdan imtina ediblər - Başqa kim?

Kriştiano Ronaldo və Kərim Benzema, Nqolo Kante ilə birlikdə Səudiyyə Ərəbistanına yollanıb. Bəs nəhəng müqavilələrlə kim razılaşmayıb?

Lent.az xarici mediaya istinadən bildirir ki, indi bu məsələ xüsusi müzakirə olunur.

* “Tengri Sport”un məlumatına görə, Lionel Messiyə iki il ərzində 1,2 milyard avro təklif edilib. Xeyr, Leo “Əl-Hilal "da olmayacaq – o, artıq "İnter Mayami" yə gedib.

Ancaq səudiyyəlilər onu pulsuz qoymayacaqlar: “Nyu-York Times” Messinin Turizm Nazirliyi ilə bu ölkədə tətil və müxtəlif kommersiya fəaliyyəti üçün üç il ərzində 25 milyon dollarlıq müqaviləsindən yazıb.

• “Əl-Hilal” sakit dayanmır - onların sərt hücumçuya böyük ehtiyacı var. Lakin Romelu Lukaku mövsüm üçün 25 milyon avroya heyran olmayıb. O, "İnter"də oynamaq istərdi - burada Simone İnzaqinin istəkləri ilə üst-üstə düşür. Görək klub nə qərar verəcək.

• “Daily Sports”un məlumatına görə, Neymar 400 milyon avro maaşla Səudiyyə Ərəbistanı klubuna keçə bilərdi. Lakin o, imtina edib. PSJ Neymarı satmağa hazırdır, braziliyalı özü klubda qalmağa və ya “Mançester Yunayted”ə getməyə razıdır.

• Yay Luka Modriçin “Real”dan mümkün getməsi xəbərləri ilə başlayıb. “OK Diario” yazıb ki, üç il üçün təxminən 120 milyon avro, “Marca” isə iki il üçün təxminən 80 milyon avro, üstəlik daha 20 milyon bonuslar təklifindən yazıb. Bununla belə, xorvat “Əl-Əhli”yə qoşulmaq istəmir və daha bir mövsüm “Real”da.

• “Marca” yazıb ki, Səudiyyənin “Əl-Taavun” Alvaro Morata ilə maraqlanır - ispaniyalıya illik 50 milyon avro təklif olunub. Morata "Atletiko"da oynamağa davam etmək istəyir. Klub da bunu istəyir, ona görə də tezliklə tərəflər yəqin ki, müqavilə ilə bağlı razılığa gələcəklər.

• Bernardo Silva hələ “Mançester Siti”dən ayrılmayıb, baxmayaraq ki, bu barədə çox danışılıb. “The Athletic”in məlumatına görə, Silva artıq Səudiyyə Ərəbistanından təklif alsa da, bundan imtina etməyi planlaşdırır. O, Avropada oynamaq istəyir və PSJ-yə keçə bilər.

• Oliver Jiru Səudiyyə Ərəbistanı klubları üçün başqa bir hədəfdir, lakin jurnalist Nicolò Skira “Twitter” hesabında fransız futbolçunun yaxşı təklifi rədd etdiyini bildirib. O, Avropada oynamağa davam etmək istəyir.

• Üç illik müqavilə təklifi ilə Tomas Müllerə də edilib, lakin alman “Bavariya”dan ayrılmağı düşünsə də, bunu rədd edib. Müllerin məqsədi Almaniyada keçiriləcək Avropa çempionatında oynamaqdır, ona görə də hazırda Avropadan kənara transferi lazım deyil.

• İsko “Sevilya” ilə müqaviləsini ləğv etsə də, qışda “Əl-Halic”də oynamaq istəməyib. Və beləliklə o, altı ay komandasız oturur. Aprel ayında İskonun 31 yaşı tamam olub.

• “Əl-Nəsr” Uilfrid Zaa ilə maraqlanır və ona ildə 30 milyon funt sterlinq maaş təklif edə bilər. “The Guardian” yazır ki, futbolçu böyük ehtimalla imtina edəcək - PSJ onu istəyir.

• Son Hın Min, ümumiyyətlə bildirib ki, pul onun üçün heç bir əhəmiyyət kəsb etmir, ona görə də Səudiyyə Ərəbistanına getməyəcək. İllik 30 milyon avro və 4 illik müqavilə koreyalını heç də heyrətləndirməyib.

• Polşa mediası Robert Levandovskinin də maraq obyekti olduğunu yazıb. Üstəlik, ildə 150 milyon avroya qədər məbləğ qeyd olunub, lakin danışıqlar heç başlamayıb: Levandovski bu cür variantlarla heç maraqlanmır, “Barselona”da onun üçün hər şey yaxşıdır.

• “Reyncers”in və “Aston Villa”nın keçmiş baş məşqçisi Stiven Cerrard “Əl-İttifaq” rəhbərliyi ilə danışmağa gedbi, bir neçə gün düşünüb, sonra imtina edib.

• Səudiyyəlilər Joze Mourinyonu da almağa çalışıblar. İtaliya mətbuatı “Əl-Əhli”nin təklifindən danışıb. Joze onu qəbul etməyib – “Roma”da daha maraqlıdır.