"Mançester Yunayted" "Napoli"nin hücumçusu Xviça Kvaratsxeliya ilə maraqlanır.
Lent.az bildirir ki, bunu “Daily Mail”in jurnalisti Mayk Kiqan iddia edib.
Qeyd edək ki, 22 yaşlı futbolçu ötən ilin iyulundan İtaliya klubunda çıxış edir. Kvaratsxeliya Neapol komandasının heyətində 45 oyun keçirib, 14 qol vurub və 18 məhsuldar ötürmə edib.
Xviçanın "Napoli" ilə hazırkı müqaviləsi 2027-ci ilin yayına kimi nəzərdə tutulub.