“Mançester Siti” bəraət almasa, Qvardiola gedəcək

İngiltərə klubu maliyyə fırıldaqlarında təqsirli bilinərsə, "Mançester Siti"nin baş məşqçisi Pep Qvardiola istefa verəcək.

Lent.az xarici mediaya istinadla bildirir ki, İngiltərə Premyer Liqası rəsmi olaraq “Mançester Siti”ni 2009-2018-ci illər ərzində 100-dən çox maliyyə qaydalarını pozmaqda ittiham edib. “Mançester Siti” iddiaları təkzib edə bilməsə, o zaman kluba qarşı sanksiyalar tətbiq olunacaq.

“Mançester Siti” xalların silinməsi, transferlərə qadağa qoyulması və yeni oyunçuların qeydiyyatı, Premyer Liqadan qovulması, illər ərzində qazanılan titullardan məhrum edilməsi kimi sanksiyalarla üzləşə bilər.