AVRO-2023: Millimiz bu gün 3-cü matçını keçirəcək

Bu gün 21 yaşadək futbolçulardan ibarət Azərbaycan yığması AVRO-2023-ün seçmə mərhələsində üçüncü matçını keçirəcək.

Apasport.az saytının məlumatına görə, A qrupunda mübarizə aparan yığmamız Finlandiya ilə qarşılaşacaq.

Bu, Milan Obradoviçin yetirmələrinin ilk ev sınağı olacaq. Bunadək səfərdə Xorvatiyaya 0:2, Avstriyaya 0:6 hesabı ilə uduzan yığma ilk xal və ilk qol üçün meydana çıxacaq.

Qarşılaşma Sumqayıtdakı “Kapital Bank Arena”da baş tutacaq. Oyunun start fiti saat 20:30-da veriləcək.

Qeyd edək ki, qrupun bu gün keçiriləcək digər oyunlarında Xorvatiya Norveçi, Estoniya Avstriyanı qəbul edəcək.

U-21-lər arasında Avropa çempionatının seçmə mərhələsi
A qrupu, 8 oktyabr
20:30. Azərbaycan – Finlandiya
Baş hakim: Viktor Şimusik (Belarus)
Sumqayıt. “Kapital Bank Arena”