Bakıda bağlanan yolların açılma vaxtı bəlli oldu - RƏSMİ

Formula 1 yarışları ilə əlaqədar Bakının mərkəzində bağlanmış yolların nə vaxt açılacağı məlum olub. Bakı Şəhər Dövlət Yol Polisi İdarəsinin şöbə rəisi Vaqif Əsədov Lent.az-a bildirib ki, bu gün saat 16:00-dan etibarən bəzi mərkəzi yollarda nəqliyyatın hərəkəti bərpa ediləcək: “Neftçilər prospekti və yarışın keçirildiyi bəzi digər küçələr isə sabah günün birinci yarısında açılacaq”.

Qeyd edək ki, Bakının mərkəzi küçələrində Formula 1 yarışlarından sonra xətləmə işləri aparılması nəzərdə tutulur.