Bakıda qısqanc ər arvadını öldürdü - YENİLƏNİB

Bakı şəhər Baş Polis İdarəsi Sabunçu rayonunda törədilmiş qətllə bağlı məlumat yayıb. Lent.az idarəyə istinadən xəbər verir ki, Sabunçu RPİ 15-ci PB əməkdaşlarının keçirdikləri əməliyyat-axtarış tədbirləri nəticəsində noyabrın 3-də Məhəmmədi qəsəbəsində 1983-cü il təvəllüdlü Tahir Mürsəlov qısqanclıq zəminində həyat yoldaşı, 1991-ci il təvəllüdlü Nigar Təslim qızını bıçaqla qətlə yetirdiyinə görə tutulub.

Faktla bağlı cinayət işi açılıb.

*****

06:25

Bakının Sabunçu rayonunda qətl hadisəsi baş verib.

APA-nın məlumatına görə, rayonun Məhəmmədi qəsəbəsindəki "Yeni yaşayış massivində" ər arvadını qətlə yetirib.

32 yaşlı Tahir Niyaz oğlu Mürsəlovla həyat yoldaşı 24 yaşlı Nigar Təslim qızı Mürsəlova arasında qısqanclıq zəminində mübahisə yaranıb. Mübahisə zamanı ər bıçaqla həyat yoldaşına çoxsaylı zərbələr endirib. Yaralı Nigar Mürsəlovanı qonşusu avtomobili ilə xəstəxanaya apararkən o, yolda dünyasını dəyişib.

Tahir Mürsəlov Sabunçu Rayon Polis İdarəsinin 15-ci polis bölməsinin əməkdaşları tərəfindən saxlanılıb. Faktla əlaqədar Sabunçu Rayon Prokurorluğunda qəsdən adam öldürmə maddəsi ilə cinayət işi başlanıb. Araşdırmalar davam edir.