Bakıda 71 yaşlı kişini yerə yıxıb pulunu əlindən alan şəxslər tutuldu

Daxili İşlər Nazirliyi Bakıda baş vermiş quldurluq hadisəsi ilə bağlı məlumat yayıb. Lent.az nazirliyin mətbuat xidmətinə istinadən xəbər verir ki, Baş Cinayət Axtarışı İdarəsi və Səbail RPİ 9-cu PB əməkdaşlarının həyata keçirdikləri əməliyyat-axtarış tədbirləri nəticəsində iyunun 12-də Bakı şəhər sakini Nizami Əlizadənin 350 manat pulunu quldurluq yolu ilə almış paytaxt sakinləri Fuad Babayev və Murad Vəliyev tutulub.

Araşdırma aparılır.

*****

13 iyun 17:38

Bu gün Bakıda soyğunçuluq hadisəsi baş verib. Lent.az-ın məlumatına görə, saat 02 radələrində Bakı şəhər sakini, 1945-ci il təvəllüdlü Nizami Xəlil oğlu Əlizadə Daxili İşlər Nazirliynin 102 xidmətinə məlumat verib ki, saat 01:45 radələrində M.Hüseyn küçəsi 2, mənzil 10-un qarşısında tanımadığı 3 nəfər şəxs ona hücum edib. naməlum şəxslər 71 yaşlı kişini döyüb yerə yıxaraq cibində olan 350 manat pulunu götürüb qaçıblar.

Müraciət əsasında araşdırma aparılır.