Qaçırdığı "Jiquli" ilə birgə tutuldu

Şamaxıda avtomobil oğurlayan şəxs saxlanılıb.

Daxili İşlər Nazirliyindən Lent.az-a verilən xəbərə görə, rayon Polis Şöbəsinə müraciət edən Qaravəlli kənd sakini F.Əmrahov iyunun 11-də şəhər ərazisindən “VAZ-2106” markalı avtomobilinin qaçırıldığını bildirib.

Əməliyyat-axtarış tədbirləri nəticəsində nəqliyyat vasitəsini qaçırmaqda şübhəli bilinən şəhər sakini R.Abdiyev avtomobillə birgə saxlanılıb.

Faktla bağlı araşdırma aparılır.