Evdən çıxan daha bir koronavirus xəstəsi saxlanıldı

Oğuzda daha bir koronavirus xəstəsinin yaşadığı ünvanı tərk etdiyi müəyyənləşdirilib.

DİN-in mətbuat xidmətinin Şəki regional qrupundan Lent.az-a verilən məlumata görə, COVID-19 virusunun daşıyıcısı olan rayonun Sincan kənd sakini Asif Xasıyev karantin qaydalarını pozaraq, yaşadığı ünvanı tərk edib və kənd ərazisində hərəkətdə olarkən saxlanılıb. O, dərhal yaşadığı ünvana geri qaytarılıb.

A.Xasıyev barəsində Oğuz rayon Polis Şöbəsinin İstintaq qrupundan cinayət işi başlanılıb.