Müdafiə Nazirliyi fəlakət bölgəsinə daha 200 nəfərlik heyət göndərdi

Müdafiə Nazirliyinin (MN) əlavə olaraq daha 200 nəfərlik əsgər və zabit heyəti Kür çayının daşması nəticəsində baş vermiş təbii fəlakətin fəsadlarını aradan qaldırılması işinə cəlb olunub. Bu barədə Lent.az-a MN mətbuat xidmətinin rəis müavini Teymur Abdullayev məlumat verib.

Beləliklə, hazırda general-leytenant Kərim Vəliyevin rəhbərlik etdiyi 1200 nəfərlik hərbi qüvvə bölgədə problemlərin aradan qaldırılmasında bilavasitə iştirak edir.