İtaliya “ChatGPT” çatbotuna əlçatanlığa qoyulan məhdudiyyəti ləğv etdi

İtaliyada “ChatGPT” süni intellekt çatbotuna daxil olmağa tətbiq edilən məhdudiyyət aradan qaldırılıb.

Lent.az xəbər verir ki, bu barədə İtaliyanın Məlumatların Mühafizəsi Agentliyi məlumat yayıb.

Qeyd olunub ki, “ChatGPT” İtaliyadakı istifadəçilər üçün yenidən əlçatandır.

Xatırladaq ki, agentlik istifadəçilərin şəxsi məlumatlarının toplanması qaydalarını pozduğu ilə bağlı şübhələrin yaranması səbəbindən mərkəzi ofisi ABŞ-da yerləşən “OpenAI” şirkətinin “ChatGPT” süni intellekt çatbotuna girişi martın 31-də müvəqqəti olaraq dayandırmışdı.