Sonuncu Osmanlı vəfat etdi

Şahzadə Ertuğrul Osman Osmanoğlu 97 yaşında həyatdan köçüb

Osmanlı Sultanlarının nəslinin sonuncu nümayəndəsi, şahzadə Ərtoğrul Osman Osmanoğlu dünən böyrək çatışmazlığından müalicə olunduğu ABŞ xəstəxanalarının birində 97 yaşında vəfat edib.

Lent.az-ın Türkiyənin “Vətən” qəzetinə istinadən verdiyi məlumata görə, şahzadə İstanbulda babası Sultan 2-ci Əbdülhəmidin türbəsində dəfn olunacaq.

Qeyd edək ki, Sultan 2-ci Əbdülhəmidin nəvəsi, şahzadə Mehmet Burhaneddin Əfəndinin oğlu Ərtoğrul Osman 1924-cü ildə 12 yaşında ailəsi ilə birgə sürgün edilib. 1974-cü ildə Osmanlı xanədanının üzvləri üçün çıxarılan əfv fərmanından sonra ilk dəfə 1992-ci ildə Türkiyəyə gəlib və 2004-cü ildə Türkiyə vətəndaşlığı alıb.