Azərbaycanda ilk: ”Modern Art Academy” LAYİHƏSİ

Azərbaycan Respublikası Prezidenti yanında Gənclər Fondunun dəstəyi, «ADDIM» Yaradıcı Gənclər Assosiasiyasının təşkilatçılığı ilə Azərbaycanda ilk dəfə olaraq “Modern Art Academy” adlı beynəlxalq layihə həyata keçiriləcək. Lent. az-ın məlumatına görə, bu gün noyabr ayı üçün planlaşdırılan layihə ilə bağlı tədbir və üzvlərin qəbulu keçirildi. İlk olaraq tədbiri aparıcı Ramal Hüseynov açıq elan etdi. Daha sonra “ADDIM” Yaradıcı Gənclər Assosiasiyasının təsisçilərindən biri olan Ülkər Qasımova “Moder Art Academy”nin müxtəlif sahələri – fotoqrafiya sənəti, dj və aranjeman, model işi, reklam və prodüser işi, event managment, vokal sənəti (estrada ifaçılığı) üzrə beş gün ərzində master-klassların təşkil olunacağını bildirdi. O bildirdi ki, layihəyə dünyanın bir neçə ölkəsindən qeyd olunan sahələr üzrə mütəxəssislər cəlb olunacaq və məhz onların iştirakı ilə xüsusi dərslər tədris olunacaq. Assosiasiyanın digər təsisçisi Hüseyn Cavadzadə qeyd edib ki, bu dərslər tam ödənişsiz baş tutacaq və çoxsaylı yaradıcı gənclər bundan bəhrələnə bilərlər. “ADDIM”ın digər təsisçisi “Eurovision” qalibi Eldar Qasımov “Modern Art Academy”nin Azərbaycanın istedadlı gəncləri üçün şans olduğunu açıqladı: “Hər bir gəncin müxtəlif sahələr haqqında bilgilənməsi çox vacib şərtdir. O səbəbdən də həyata keçirəcəyimiz bu layihədən bəhrələnməyə dəyər”. Tədbirdə eləcə də müğənnilər Səbinə Babayeva, Elnarə, eləcə də Eldar Qasımov öz musiqiləri ilə gənclər qarşısında çıxış ediblər. Tədbir çərçivəsində eləcə də gənclərin “Modern Art Academy”yə qeydiyyatı da həyata keçirilib. Qeyd edək ki, “Modern Art Academy” bu ilin noyabrda keçiriləcək və bir neçə gün davam edəcək.