Prezident İlham Əliyevə təbrik məktubları gəlməkdə davam edir

Böyük Britaniya və Şimali İrlandiyanın Kraliçası Ülyahəzrət II Elizabet Prezident Ilham Əliyevə təbrik məktubu yollayıb. Lent.az-ın AzərTAc-a istinadən məlumatına görə, təbrikdə deyilir:

“Hörmətli cənab Prezident.

Milli bayramınız - Respublika Günü münasibətilə Zati-alinizə ən səmimi salamlarımı çatdırmaqdan böyük məmnunluq hissi duyuram və qarşıdan gələn ildə Azərbaycan xalqına firavanlıq və xoşbəxtlik arzulayıram”.

Həmçinin, Pakistan İslam Respublikasının Prezidenti Məmnun Hüseyn, Qırğız Respublikasının Prezidenti Almazbek Atambayev, Polşa Respublikasının Prezidenti Andjey Duda və Birləşmiş Ərəb Əmirliklərinin Prezidenti Şeyx Xəlifə bin Zayed Al Nəhyan da Prezident İlham Əliyevə təbrik məktubu yollayıb.