Bir çox insan yağsız kəsmiyi arıqlamağa və bədən quruluşunu yaxşılaşdırmağa kömək etdiyi düşüncəsi ilə seçir. Lakin dietoloqlar bildirirlər ki, bu vərdiş əks təsir göstərə bilər.
Lent.az xarici mediaya istinadən xəbər verir ki, mütəxəssislərin sözlərinə görə, yağsız kəsmik orqanizm üçün vacib olan əsas komponentlərdən məhrumdur.
Məhz bu maddələr dəri və saçların sağlamlığına, eləcə də normal maddələr mübadiləsinə cavabdehdir. Süd məhsullarındakı yağlar yağda həll olunan vitaminlərin mənimsənilməsinə kömək edir. Yağ olmadıqda orqanizm A, E və K vitaminlərini lazımi şəkildə istifadə edə bilmir. Bu vitaminlər dərinin elastikliyini və bərpa qabiliyyətini təmin edir. Onların çatışmazlığı zamanı dəri quruyur və solğun görünür.
Yağsız kəsmik tez-tez aclıq hissi yaradır. Tərkibində çoxlu zülal olsa da, toxluq verən yağ olmadığı üçün insan planlaşdırdığından daha çox yeməyə meylli olur. Nəticədə maddələr mübadiləsi pozulur və bu da əks effektə, çəki artımına səbəb olur.
Dietoloqlar vurğulayırlar ki, orta miqdarda yağ hormonal tarazlığın qorunmasına kömək edir. Bu xüsusilə qadınlar üçün vacibdir.
Yağ çatışmazlığı zamanı orqanizm resurslara qənaət etməyə başlayır. Bu vəziyyətə ilk reaksiya verən isə dəri olur, o, elastikliyini itirir. Bundan əlavə, yağsız kəsmikdə tez-tez şəkər miqdarı daha yüksək olur. İstehsalçılar dadı yaxşılaşdırmaq üçün əlavə şəkər qatırlar.
Şəkər dəridə iltihabi prosesləri gücləndirir, bu da səpkilərə və dəri rənginin pisləşməsinə səbəb olur.
Mütəxəssislər orta yağlı kəsmiyə üstünlük verməyi tövsiyə edirlər. Belə məhsul həm daha uzunmüddətli toxluq hissi yaradır, həm də vitaminlərin mənimsənilməsinə kömək edir.
Bu cür kəsmikdə olan zülal daha effektiv işləyir, toxumaların bərpasında iştirak edir və əzələ tonusunu dəstəkləyir.
Bəzi dietoloqlar yağsız məhsulları aldadıcı seçim adlandırırlar. Onlar sağlam qidalanma təəssüratı yaratsa da, gözlənilən faydanı vermir.
Mütəxəssislər bildirirlər ki, gözəllik ifrat yox, balans tələb edir. Kəsmik isə bunun nə qədər vacib olduğunun bariz nümunəsidir.
Məhsul düzgün seçildikdə, dəri və saçlar buna tez reaksiya verir, orqanizm isə stabil və rahat ümumi vəziyyətlə cavab verir.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
