Aşağı intellekt səviyyəsini ən asan göstərən xüsusiyyət insanın tənqidi düşüncə qabiliyyətinin zəif olmasıdır.
Yüksək intellekt isə insanı avtomatik olaraq yaxşı biri etmir. Eyni zamanda, hər az düşünən insan da mütləq pis niyyətli olmur. Amma çoxları qarşısındakı insanın dünyanı nə dərəcədə adekvat qəbul etdiyini anlamaq istəyir – onun şəxsi keyfiyyətlərindən asılı olmayaraq.
Lent.az xarici mediaya istinadən xəbər verir ki, aşağı intellekt səviyyəsini göstərən tipik əlamətlər əsasən tənqidi düşüncə çatışmazlığını, xüsusilə də insanın öz davranışını analiz edə bilməməsini göstərir.
Aşağı intellekt səviyyəsinə işarə edə bilən 10 tipik ifadə
“Bunu sosial şəbəkədə görmüşəm”
Bu mənbəni yoxlamadan sosial şəbəkələrdəki məlumatlara həddindən artıq inanmaq səthi düşüncənin əlamətidir.
“Bunun nə əhəmiyyəti var ki?”
Bu cümlə çox vaxt başqasının fikrini və ya hisslərini anlamaq istəməməyi göstərir. Yüksək intellektə sahib insanlar isə adətən razı olmasalar belə, qarşı tərəfi dinləməyə çalışırlar.
“Mənim bunu düşünməyə ehtiyacım yoxdur, mən sadəcə bilirəm”
Situasiyanı analiz etmədən öz fikrinə həddindən artıq güvənmək xarakter gücündən çox düşüncəsizliyə işarə edir.
“Bu axı aydındır!”
İnsanlar bəzən vəziyyəti həddindən artıq sadə hesab edir və başqaları üçün bunun o qədər də aydın olmaya biləcəyini nəzərə almırlar.
“Mənə fərqi yoxdur, bu doğrudur, ya yox”
Həqiqəti qəbul etmək istəməmək və yeni məlumatlara qapalı olmaq düşüncə səviyyəsinin aşağı olduğunu göstərə bilər.
“Mən həmişə belə olmuşam”
Bu ifadə çox vaxt problemli və ya zərərli davranışı əsaslandırmaq üçün istifadə olunur. Halbuki dəyişə bilmək və səhvləri qəbul etmək yetkinlik əlamətidir.
“Mənim bu barədə düşünməyə vaxtım yoxdur”
Çətin mövzulardan və hisslərdən qaçmaq şəxsi inkişafı ləngidir. Özünü analiz edə bilən insanlar xoşagəlməz fikirlərdən qaçmaq əvəzinə onları anlamağa çalışırlar.
“Bunlar sadəcə haterlərdir”
Hər tənqid nifrət və ya paxıllıq deyil. Tənqidi qəbul etməyib hər şeyi “haterlər”lə əlaqələndirmək yüksək intellekt göstəricisi sayılmır.
“Amma bu mənə kömək etdi axı”
İnsanlar tez-tez unudurlar ki, şəxsi təcrübə universal deyil və əldə edilən nəticə həmişə eyni səbəbdən yaranmır.
“Mən heç nə izah etməyə borclu deyiləm”
Davranışını izah etmək istəməmək ya məntiqli arqumentlərin olmamasını, ya da qarşı tərəfə hörmət çatışmazlığını göstərə bilər.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
