İspaniya La Liqasında 2021/22 mövsümünün çempionu bəlli olub.
Lent.az-ın Apasport.az saytına istinadla məlumatına görə, “Real” sona 4 tur qalmış qızıl medalları təmin edib.
XXXIV turda öz meydanında “Espanyol”la qarşılaşan “kral klubu” rəqibini 4:0 hesabı ilə məğlub edib. Bu qalibiyyət sayəsində xallarının sayını 81-ə çatdıran Karlo Ançelottinin yetirmələri ən yaxın izləyiciləri “Sevilya” və “Barselona” üçün əlçatmaz olub.
Bununla “Real” tarixində 35-ci dəfə La Liqa çempionluğuna qovuşub. Ən çox ölkə çempionu olan madridlilər öz rekordunu yeniləyib.