Hər ailədə açıq deməyə çəkinilən sözlər olur. Amma psixoloqlar bildirir ki, elə bir söz var ki, o, münasibətləri istənilən münaqişədən daha tez zədələyə bilər. Bu söz borclusan və ya etməlisən ifadəsidir.
Niyə bu söz təhlükəlidir?
Lent.az xəbər verir ki, mütəxəssislərin fikrincə, cütlüklər bir-birinə sən bunu etməlisən dedikdə, münasibətlərdə təzyiq yaranır. Tərəfdaş artıq özünü bərabər hiss etmir və bu, emosional uzaqlaşmaya səbəb olur.
Bu ifadə xahişi əmrə çevirir, şəxsi sərhədləri pozur, qarşı tərəfdə müqavimət yaradır. Xüsusilə qohumlarla bağlı mövzularda bu söz ən çox ailə üzvləri ilə bağlı məsələlərdə problemlərə səbəb olur. Məsələn, sən mənim anama hörmət etməlisən, sən mənim ailəmi dinləməlisən. Bu cür ifadələr dərhal narazılıq və gərginlik yaradır. Problem çox vaxt qohumların özündə deyil, ünsiyyət formasındadır.
Etməlisən sözünü eşidən insan bunu təzyiq kimi qəbul edir. Bu isə qıcıq, inciklik, müdafiə reaksiyası yaradır və tərəflər bir-birini dinləməyi dayandırır.
Daha düzgün yanaşma nədir?
Psixoloqlar məsləhət görür ki, ultimatum əvəzinə hisslər ifadə olunsun. Məsələn, mənim üçün vacibdir ki…, mən istəyərdim ki. Bu cür yanaşma daha yumşaqdır və qarşı tərəfdə müqavimət yaratmır.
Sağlam münasibətin açarı
Araşdırmalara görə, sərt və qəti ifadələrdən uzaq duran cütlüklər daha az mübahisə edir. Onlar əmr etmir, müzakirə edir, bir-birinə hörmətlə yanaşır.
Etməlisən sözü münasibətlərdə nəzarət hissi yaradır. Halbuki nəzarət etibarın ən böyük düşmənidir.
Əgər ailədə, xüsusilə qohumlarla bağlı məsələlərdə gərginlik yaranırsa, sərhədləri müəyyən etmək vacibdir. Amma bunu təzyiqsiz və hörmətlə etmək daha effektivdir.
Unutmayın düzgün söz seçimi münasibətləri ya gücləndirə, ya da dağıda bilər. Səmimi və açıq dialoq isə ailəni daha möhkəm edir.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
